Pagkalabas namin sa palasyong iyon ay bigla na lang nagbago ang aming paligid. Ang kaninang tahimik at madilim na lugar ay bigla na lamang na palitan ng isang silid aralan. Inilibot ko ang aking paningin at hindi ko mapigilan ang muling mamangha sa kagandahan ng buong lugar. Sobrang linis nito at sobrang gaan sa mata. Nasaan ba kami?
“Nasa loob ba tayo ng paaralan?” Gulat na tanong ni Athena habang nakatingin sa paligid.
“It seems like it,”tugon naman ni Morris.
Wala pang ibang tao rito bukod sa amin. Tanging kami lamang lima ang nandito. Talaga bang nasa loob kami ng paaralan?
“Kung nasa loob nga tayo ng paaralan, bakit tayo lang dito? Nasaan na ang susunod natin na pasulit?” Nagtatakang tanong ni Athena.
“Alam mo? Ang daldal mo,”sambit naman ni Forrest, “Pwede naman siguro na maghi
