“Tapos na ang ating pagpupulong para makapagpahinga kayo bago magsimula ang inyong training.” Anunsyo ng mahal na hari at lumabas na agad ito ng silid. Nginitian naman ako ng mahal na reyna at sinabayan ako sa paglalakad para makalabas na din ng silid. Magkakasunod din na lumabas ang mga prinsesa at elemental knights.
“Okay ka lang ba?” Nag-aalalang tanong ng mahal na reyna. Nakalukot kasi ang aking mukha dahil sa bagong lalaki na nakilala. Hindi ko alam kung anong mayroon sa lalaki at sa pakikitungo ni Hreidmar dito.
“Opo ina maayos lang ako.” Pagsisinungaling ko dahil hindi ko matanggap kung bakit ko pinapagod ang utak sa pag-iisip ng walang kuwentang bagay.
“Huwag kang mag-alala tiyak ko na madami kayong matututunan kay Orphen.” Tumango na lang ulit ako bilang pagsang-ayon sa kany
