"Hindi ko makakalimutan ang ginawa niya sa ating kaharian." Nagngingitngit sa galit na wika ng mahal na hari. Unang beses kong nakita ang galit nitong mukha. Maging sino naman ay ganoon ang magiging reaksyon dahil sa nangyaring digmaan kung saan marami ang nagbuwis ng buhay.
"Maari n'yo ba sabihin sa akin ang lahat ng inyong nalalaman." Naging mahinahon na ang boses nito kaya agad kaming tumango. Nagsimula kaming iulat sa mag-asawa ang lahat ng aming natuklasan. Isinama ko na din ang tungkol sa totoong nangyari kay Tita Frydah.
Madami pa sana akong nais idagdag at mga tanong na hanggang ngayon ay hindi pa din nasasagot pero dahil sa nakikita kong pait sa kanilang mukha ay nagawa kong pigilan ang aking sarili. Hahayaan ko na lang ang panahon na kusang magbigay sa akin ng kasagutan. Hindi
