HREIDMAR POV
Mabuti na lamang at hindi pumasok ang teacher namin para sa unang subject kaya naisipan namin magtungo sa cafeteria. Hindi ko alam kung anong nangyari at bakit ganun na lamang ang pag-iyak ni Ayazairah. Alam ko na may nangyari kay Tita Frydah pero hindi ko maintindihan ang kanyang ibig sabihin.
“Sandali at kukuha muna ako ng tubig.” Narinig kong wika ni Alvara nang makarating kami sa cafeteria. Tinabihan ko si Ayazairah at tinatapik ang likod nito. Kung maaari lang ay gusto ko s’yang yakapin para kumalma na ang babae.
“Ano ba talaga ang nangyari at bakit ka umiiyak ng ganyan.” Puzzled ang hitsura ni Nixie.
“Oo nga ikuwento mo sa amin para malaman namin kung anong nangyari.” Halos hindi na kumukurap si Bruice sa kagustuhan nito na marinig ang nangyari.
“Sigurado ako na
