KAKAMOT-KAMOT si Josh nang lumabas sa silid. Wala mang ibang nakarinig sa paninitang ginawa sa kanya ni Aldo ay nakadama pa rin siya ng pagkapahiya sa sarili. Hindi niya nagustuhan ang tono ng kaibigan. Namimihasa ito. Masamang-masama ang loob nang walang kibong lumabas sa silid.
“Pareho lang tayong lalaki, Aldo. Alam kong may ibang kahulugan ang pagtatanong mo. Akala mo yata ay wala akong napapansin sa mga kilos mo noon pa man. Malaki ang respeto ko sa pagkakaibigan nating dalawa. Lagi kong sinusunod ang mga utos mo. Kung anong gusto mo ay ginugusto ko na rin. Pero parang hindi na tama ang inaasal mo. Puro ikaw na lang ba ang pagbibigyan ko? Maangas ka na masyado! Nakakapikon ka na!"
Sa halip na pumunta sa silid ni Butsoy ay naisipan niyang maglakad sa kabilang panig ng bahay. Wala na
