CHAPTER 10
THIRD PERSON POV
Dalawang araw na walang pasok si Shien sa ospital. Sa unang pagkakataon, hindi siya nagsusuot ng scrubs, hindi nakikipagtalo kay Callum, at hindi nakakatanggap ng toxic na mga pasyente sa ER.
Pero kahit wala siya sa ospital, hindi ibig sabihin na pahinga ang ginagawa niya.
“Shaun, inumin mo na ‘to,” sabi niya habang inaabot ang isang basong gamot sa nakababatang kapatid.
Nakasandal si Shaun sa kama, namumungay ang mata pero mas okay na ang itsura niya kumpara kagabi. “Ate, hindi ba pwedeng tubig na lang?”
“Gusto mo ba ulit magka-high fever at isugod sa ER?” mataray niyang sagot.
Napangiwi si Shaun at agad na nilagok ang gamot. “Yuck, ang pait.”
“‘Yan, good boy,” sagot ni Shien habang inayos ang kumot niya. “Tapos matulog ka na ulit.”
Habang inaayos ang
