MAKALIPAS ANG ILANG ORAS
Katok sa pinto ang gumising sa natutulog na si Haliyah. Napabalikwas ito ng bangon at napatingin sa kan'yang tabi. Si Suzie ay tulog na tulog pa din.
"Ate, may kumakatok."
Sabi n'ya dito habang niyuyugyog ang kasama sa kwarto
"Hmm!" Tanging sagot nito. Kaya tumayo na ang dalaga sa kama at naglakad papunta sa may pinto para pagbuksan ang kumakatok. Antok na antok pa naman ito,dahil pakiramdam n'ya ay sobrang napagod s'ya sa kanilang byahe. Kahit sabihin na nakaupo lang s'ya sa van.
Nang buksan n'ya ang pinto ay tumambad sa kan'ya ang napakandang dalaga na nakasuot ng maluwag na damit pang itaas at napakahabang saya.
"Bakit po?" Magalang ngunit nagtatakang tanong ni Haliyah dito.
"Pasensya na po sa abala. Pinapatawag na po kayo ni Inay, nakahanda na po ang
