Leighton
Lubos na kaligayahan ang nadarama ko sa tuwing maiisip ko na dito na mananatili sa bahay namin si Charm. Yung babaeng pinangarap kong makasama habang buhay, ay sa wakas nakilala na rin ng pamilya ko.
Maaga akong gumising dahil magluluto ako ng almusal para sa pamilya ko at para kay Charm. Gagawin ko syang Reyna ng buhay ko.
“Ang aga anak ah? Talagang malaki na ang pinagbago ng panganay natin.” Wika ni Papa Edz habang nagtitimpla ng kape
Naghihiwa ako ng bawang na syang gagamitin ko sa garlic rice nang maabutan ako ni Papa.
“Naku, sinabi mo pa. Iba rin pala tamaan ng palaso ni Kupido itong si Leighton.” Dagdag pa ni Mama habang nagpapainit sya ng mantika.
Naramdaman ko ang paghimas ni Papa sa likuran ko.
“Tama yan anak, sa ganyang edad mo kailangan mo nang maging ser
