Leighton
“Bro, pasensya ka na, ikaw lang ang alam kong malalapitan ngayon.” Halos nahihiya kong wika sa kapatid kong si Jordan. Hindi na rin ako makatingin sa kanya ng derecho. Pinapunta ko pa sya dito sa Highland restaurant kahit nakaduty sya sa kanyang trabaho.
Nanghiram lang naman ako ng anim na libong piso sa kanya, pambayad sa mga kinain namin ni Charm. Kinuha ni Charm ang wallet ko at hindi na ako binalikan pa.
After naming mabayaran ang bill ay galit na tumitig sa akin si Jordan. Nakapameywang sya sa akin at parang hindi ko maabot ang taas ng kanyang kilay sa akin.
Napakagat labi ako nang makita ang itsura ng kapatid ko. Marahil ay tinatawanan na nya ako sa utak nya.
“Tigil tigalan mo na yan Kuya! Walang kwenta ang babaeng yan!” galit na galit na sigaw ng kapatid ko
