Leighton
Biglang tumahimik ang buong paligid namin ni Charm. Hinihintay ko pa rin ang sagot nya sa akin. Umaasa pa rin ako na papayag sya para sa isang dinner date. Halos himatayin na ako sa tagal nyang sumagot.
Minsan parang nawawalan na ako ng pag-asa pero sabi nila ay huwag daw akong susuko. Kailangan kong maniwala na may magandang patutunguhan ang lahat ng ito.
“Okay, so saan tayo?” biglang sagot sa akin ni Charm
Namilog ang mga mata ko sa mga isinagot nya. Hindi maipaliwanag ang kasiyahang nasa puso ko sa pagpayag nyang sumama sa akin para sa isang dinner date.
Aktong yayakapin ko sana sya dahil sa pagkasabik kong makasama syang muli pero pinigilan ko. Dapat ay hindi nya madama na may pagnanasa ako sa katawan nya. Baka kapag niyakap ko sya ay ganun ang isipin nya.
Isinara
