Leighton
Agad naming isinugod sa pinakamalapit na ospital si Charmaine. At tama nga ang hinala kong manganganak na sya. Ilalabas nya ang aming anak na kulang sa buwan.
Hawak ko ang mga kamay ni Charm habang papasok kami sa delivery room.
“Ahh! hindi ko na kaya!!! Sobrang sakit!” iyak sa akin ni Charm
Hinigpitan ko pa ang hawak sa mga kamay nya. Gusto kong maramdaman nya na kasama nya ako sa kahit anong laban nya sa buhay.
Kung pwede lang na kunin ko ang lahat ng sakit na nararamdaman nya ay kanina ko pa ginawa. Nang sa gayon ay hindi na sya nahihirapan pa.
Masakit sa loob ko ang makita syang hirap na hirap, habang wala akong magawa para maibsan 'yon. Ganito pala ang pinagdaanan ng lahat ng mga naging ina, halos ikamatay nila ang sakit maisilang lang ang kanilang anak.
Hindi
