Hindi na makilala si Ashley dahil sa kanyang itsura. Napakagulo ng kanyang buhok at ang dungis-dungis ng kanyang mukha at buong katawan dahil sa tila napunta sa kanya ang lahat ng dumi ng hangin na nakuha niya sa matagal na paglalakad at sa sunog na tinakasan niya. Hapong-hapo ang itsura niya habang mabagal na hinahakbang ang mga paa niyang sugat-sugat na dahil sa matagal na paglalakad ng walang sapin. Nasira din kasi ang tsinelas na suot niya. Pinagtitinginan siya ng ibang tao na nakakakita sa kanya habang naglalakad siya sa gilid ng daan at inaakalang palaboy siya. Hindi naman niya napapansin ang mga ito dahil ang mas mahalaga sa kanya ay lumayo at wala ng iba pa. Hindi na niya binigyang-pansin pa ang panlilimahid sa dumi ng kanyang mukha at katawan.
Nakatingin lang ng diretso ang mga n
