Napangiti si Ashley matapos niyang magpunas ng kanyang labi. Dahan-dahan niyang inilapag sa lamesa ang ginamit niyang table napkin para ipampunas sa kanyang bibig saka niya tiningnan ulit ang kaharap na si Rim na nakatingin din sa kanya nang nakangiti ang labi. Kakatapos lang nilang kumaing dalawa.
“Ang sarap ng pagkain dito,” ani Ashley. Nilibot niya pa ng tingin ang buong lugar. “Ang ganda pa ng scenery kaya ang perfect ng experience,” pagpuri niya pa sa lugar kung nasaan sila.
Napakaganda at maliwanag ang lugar na pinuntahan nina Ashley at Rim. Tila isa itong gubat na ginawang restaurant. Luntian ang kulay ng paligid dahil maraming mga puno at halaman at may mga bulaklak pa na iba’t-ibang klase. Gustong-gusto din ni Ashley ang preskong simoy ng hangin na pumapasok sa loob ng restuaran
