NANININGKIT ang mga mata ni Donabella habang tinitingnan si Ariela na nakatingin rin sa kaniya habang nakataas ang kilay. Prente itong nakaupo sa sofa habang nakadekwatro. Kanina pa ganiyan ang babae at hindi malaman ni Donabella kung paano ivavaccuum ang sahig sa paanan nito gayong ayaw nitong umalis. Gusto tuloy niyang tadyakan ang babae.
Ilang saglit pa ay bumuga ng hangin ang babae. “Donabella, can you get me a glass of water, please?”
Hindi kaagad kumibo si Donabella. Hindi kasi niya maunawaan kung bakit parang bumait ang babae.
“Please.” ulit nito na bahagyang napanguso.
Kamuntik nang mapangiwi si Donabella kaya mabilis siyang tumalikod at pumunta sa kusina. Kumuha siya ng malamig na tubig sa ref saka dinalhan ng isang baso ang babae.
Akmang ilalapag na niya ang isang baso ng t
