HINIHINGAL ako nang magising mula sa aking pagkakatulog. Nahulog ang bimpong nakalagay sa noo ko nang umupo ako galing sa aking pagkakahiga. Pinunasan ko ang tumulong luha sa aking pisngi maging ang pawis sa aking mukha. Bumukas ang pinto ng aking silid at pumasok doon ang nurse na nag-aalaga sa akin.
Nagulat ito nang makitang nakaupo na ako at saka nagmamadaling lumapit sa akin. "Magandang umaga, Madame President," bati nito nang may ngiti.
Pansin ko ang pamumula ng pisngi niya at panginginig ng kamay habang kinukuha sa bedside table ang thermometer. Sa halip na pansinin ang kakaibang kilos nito ay hinayaan ko na lamang siya dahil baka maasiwa pa ito sa akin.
"Maayos na po ang lagay ninyo. Wala na ang lagnat."
Inabutan ako nito ng tubig at matapos noon ay inayos na ang mga gamit sa ak
