"Are you sure you'll stay here?"
"Yeah," malumanay kong sagot sa tanong ni Melani.
"I'll update you once the Senior President woke up."
Tumango ako sa kaniya at nginitian siya. Nagdesisyon akong umuwi muna sa aking tinutuluyan para magpahinga. Nang matapos ang operasyon ay inilipat din si lolo sa isa sa mga silid at doon ay hihintayin na lamang ang kaniyang paggising. Ang sabi ay baka tumagal pa ng tatlo hanggang apat na araw bago ito dumilat at tuluyang magising.
Mabuti at walang nangyaring masama sa operasyon. Naging maayos ang lahat kahit na tumagal ito ng halos pitong oras. Dire-diretso ang mga doktor sa kanilang mga tungkulin at wala ni isa ang lumabas ng silid para mamahinga kahit sandali. Tulad nila ay hindi ako umalis sa aking puwesto. Tanging pagtayo, upo, at pabalik-balik n
