CHAPTER 30: ANG PILING DAMIT AT ANG TUNAY NA DATE
Sa harap ng kanyang aparador, pinagmasdan ni Bhem ang tambak ng damit na tila walang gustong sumakto sa gabing ito. Napakaraming pagpipilian, pero wala siyang makitang sapat—hindi sobra, hindi kulang. Hindi rin niya kayang ipakita kay Jack na nagbigay siya ng labis na oras sa pagpili. Ayaw niyang ipahalata na apektado siya, kahit pa alam niyang hindi niya ito maitatanggi sa sarili. Huminga siya nang malalim at sinubukang huwag isipin ang posibilidad ng pagkakamali. Hindi ito isang prank. Hindi ito biglaang planong maaaring mabali. Hindi ito isang laro na maaari niyang takasan kapag hindi siya handa. Ito ay isang totoong date. Isang gabi kung saan wala siyang ibang kasama kundi si Jack . At hindi niya maipaliwanag kung bakit parang mas gusto niyang magtago na lang. PAGPILI NG TAMANG
- Writer
