“Carly, ipinapatawag ka na ng mommy mo!” Sigaw ni Nanay Doring sa labas ng silid habang kinakatok ang pinto. “Nandiyan na ang sundo niyo!”
“OMG!” Tili ni Kipay at Adele na nag-uunahang dinampot ang mga purse nito at panabay na lumabas kasunod si Llana.
Umikot naman si Carly sa salamin bago dinampot na rin ang purse sa ibabaw ng kama at naglakad palabas ng silid.
“Abay ang ganda-ganda mo, Anak!” Puri ni Nanay Doring na hinawakan pa siya sa magkabilang balikat at sinipat-sipat ang kaniyang mukha.
“Thank you, Nay,” nakangiting tugon niya
at binaybay na nila palabas ang hallway patungo sa hagdanan.
“Pero bakit naman ganoon ang suot ng kaibigan mo?” Bulong nitong ininguso si Llana. “Santisima, hindi ba siya pupulmonyahin sa suot niya? Wala nang itinago, ay!”
Napangiwi si Carly. Hin
