PALINGA-LINGA si Carly habang hinahawi ang matataas na talahib gamit ang sangang napulot niya. Ilang oras na silang naglalakad pero kahit anino ng Lagoon na sinasabi ni Llana ay hindi pa rin nila nakikita.
Nilingon niya ang kaibigan na nahuhuli sa paglalakad. "L, malayo pa ba? Ano bang sabi sa 'yo no'ng napagtanungan mong bata?"
"Sabi paglampas raw ng kweba! Nadaanan natin yung kweba di ba?"
"Ha? dalawang kweba na ata nadaanan natin, eh! Tsaka anong oras na... hindi hinahanap na nila tayo?" Bumaba ang tingin niya sa pambisig na relo at nakitang alas dyes na. So, almost five hours na silang naglalakad. "Bumalik na lang kaya tayo!" Lingon niya ulit rito.
Mariin itong umiling. "Nandito na tayo, eh! Sayang naman! Ang layo na rin ng nilakbay natin."
Inikot muli ni Carly ang paningin sa n
