Nanginginig ang mga kamay na kinuha ni Carly ang inaabot ni Chichi na tasa ng umuusok na kape. Kasalukuyang naririto sa inuukupang niyang silid ang mga kaibigan.
Dahil sa masamang panahon at inabot na rin ng dilim bago siya ma-rescue, ipinasya ni Ms. Phoebe na rito na lang magpalipas ng gabi sa hotel bayan. Lalo na't hanggang ngayon ay hinahanap pa rin ng rescue team si Llana.
"Pres, I'm sorry talaga.. hindi ako nagising. Sana napigilan ko kayo." Umiiyak at paulit-ulit na hingi ni Adele ng paumanhin na noo'y nakaupo sa tabi niya sa kama at yakap siya ng mahigpit.
"Wala kang kasalanan, Adele. It's our own choice," aniyang pinilit na ngumiti saka binalingan si River na nakasandal sa pader. Hindi siya nito iniwan, mula pa kaninang ma-rescue siya at hingan ng statement ng mga pulis hangg
