“Ang mga anak ko!” Halos maghisterikal si Lyrica nang ibigay ni Morris ang kambal sa nakangising si Lukas. Wala siyang tiwala kay Lukas. Mas baliw si Lukas kay Morris. Katunayan ay ito ang pinakabaliw na taong nakilala niya. May nakakatakot na kinang sa mga mata nito palagi, parang nangungutiya, naghahamon.
Natatakot siya kay Lukas. Paano kung pabayaan nito sina Linus at Lazuli? Paano kung ibagsak nito ang mga anak niya? Paano kung mabitiwan nito? O sadya nitong bitiwan, lalo na at wala yata sa katinuan ang utak nito? “Akina ang mga anak ko! Ibalik n’yo sa akin ang mga anak ko!” hiyaw niya, na may halong paghagulhol. Parang puputok ang dibdib niya.
“Take the children with you, Lukas,” malamig lang na sabi ni Morris sa Underboss. Mahigpit na nakahawak sa baywang ni Lyrica ang isang kamay
