"Kamusta naman ang pagstay ng bisita naming galing sa Maynila?" sabay na napalingon si Quinn at Kai para makita kung sino ang tumawag sa kanila.
Nang lingunin nila ay si Manang Ester ang kanilang nakita, kapatid ito ng Mommy ni Quinn at siyang kasa-kasama ng Lola niya na nakatira dito sa bahay, may sarili na rin itong pamilya pero maliliit pa ang mga anak dahil ito ang huling nag-asawa sa kanilang magkakapatid.
"Tita!" Masiglang bati ni Quinn at yumakap dito, hinanap niya ito kagabi ngunit hindi daw ito makakauwi dahil inaasikaso ang isa pa nilang bisita.
"Magandang umaga po." bati naman ni Kai at nagmano rito.
"Aba'y talagang kaganda nitong pamangkin ko oh at ang gwapo din ng boyfriend, bagay na bagay kayong dalawa." anito at nagpalipat-lipat ng tingin
