Dinala sila ng mga paa patungo sa kabahayan, subalit wala pa sila sa kalahati ng tinatahak, biglang napatid at natumba si Hiraya. Napatigil si Kenjie sa pagtakbo, nilingon siya at tinulungan na makatayo.
Hindi na normal ang paghinga niya, nakasapo siya sa dibdib at tila mawawalan ng malay dahil sa sobrang pagod.
"Okay ka lang?" hininhingal si Kenjie na nagtanong.
Nais niyang tumayo subalit bumigay ang kaniyang mga tuhod at muli siyang napaupo. Hindi na talaga kaya ng katawan ni Aya. Napagtanto ni Hiraya na umabot na siya sa limitasyon, lalo pa at bigla ring tumulo ang mainit na likido sa butas ng kaniyang ilong. Nagdudugo na naman ito.
Nagulantang si Kenjie nang makita iyon at mukhang napagtanto nito na hindi mabuti ang kaniyang kalagayan.
Luminga-linga muna si Kenjie sa paligid bago
