HINDI alam ni Lian kung gaano sila katagal naghahalikan ni MJ. Basta ang alam niya, may kung anong ginigising na damdamin sa kanya ang halik nito.
Hinihingal na silang pareho nang pakawalan siya ni MJ.
“Are you okay?” mahinahong tanong ni MJ.
Napahawak si Lian sa kanyang pisngi bago niya nagawang tumingin sa mukha ng asawa. Mainit ang pakiramdam niya at nakasisiguro siyang namumula ang kanyang buong mukha.
“S-siguro,” sambit niya.
Napangiti si MJ. “Ikaw ang naunang humalik. Tinugon ko lang. Pero bakit para kang na-shock?”
Napakurap si Lian. Hindi niya alam kung ano ang sasabihin.
“Bakit mo ginawa iyon?”
“Huh? Nagagalit ka kasi kaya…naisip ko lang.” Kumurap pa si Lian ng ilang beses.
Napailing si MJ. “Naisip mo lang na halikan ako kasi tingin mo nagagalit ako?”
Kinagat ni Lian ang
