NANGHIHINANG ibinaba ni MJ ang kanyang cellphone pagkatapos niyang makausap si Lyrica. Napatingin siya sa suot na relo. Six-thirty na. Dapat sa oras na ito pabalik na siya ng Estabillo Holdings. Pero hindi siya makaalis-alis kanina pa. May kung anong puwersa ang humihila sa kanya para hindi siya umalis.
Nahintay pa niyang umuwi sina Vhickai at Lyrica pero dati naman nauuna siyang umalis. Alas-singko pa lang kasi lumalabas na siya ng opisina para hindi siya gabihin sa daan dahil didiretso pa siya ng Makati bago umuwi. Pero sa kauna-unahang pagkakataon naunahan pa siyang umuwi ng sekretarya ni Lian.
Parang hindi niya kasi kayang umalis hanggang hindi nakakalabas ng opisina si Lyrica. Bigla na lang siyang nag-aalala dito kaya tinawagan niya kanina para lang masiguro na nakauwi ito nang maa
