Cintha
“ANO ang pakiramdam na mayakap ni Pogi?”
Natigil ako sa pagkain ng buko ice drop dahil sa tanong ng kaibigan. Nagpapahinga kami sa silong ng isang puno sa labas ng Malabrigo Lighthouse habang naghihintay ng maaalok na turista.
Iyon ang isa sa tampok na tourist spot ng bayan bukod sa mga beach, diving at snorkeling spots, pati na rin ang mga bundok at falls. Itinayo iyon noong 1896 at na-maintain naman, ‘di gaya ng ibang lighthouse na itinayo noong panahon ng Kastila at sira-sira na ang karamihan. Kaya naman gusto pa rin iyon na pag-shooting-an ng mga pelikula, music videos, at teleserye. Minsan ay may mga ghosthunter din na nagkaka-interes dumalaw doon dahil sa dami ng mga namatay noong panahon ng Hapon.
Alas dos na noon ng hapon at nakakapaso ang init ng araw. Nagbabaka-sakali
