Cintha
Hinatak ko agad si Timothy para makaiwas sa bola at ihinarang ang katawan ko sa kanya. Naramdaman ko na lang na tumama ang bola sa pisngi ko. Parang nayanig ako sa lakas ng pagkakatama ng bola. Napaurong ako at napaigik sa sakit.
“Hey!” sigaw ni Timothy at hinawakan ako sa balikat saka isinandif sa katawan niya. “Please give me some ice. We need ice . Natamaan ng bola si Cintha.”
Ilang beses na akong natamaan ng bola at may training din ako as tae kwon do. ‘Di na bago sa akin ang masaktan. Pero ibang klase ang pagkakatama ng bola sa akin dahil sa bilis at lakas ng pagkakasipa. Pakiramdam ko sinapak ako nang matindi ni Manny Pacquiao.
“Sorry talaga, Cintha,” ani Kirby at hangos na lumapit sa akin. Mukhang guilty naman siya sa nagawa pero gigil na gigil pa talaga ako sa kanya.
“
