ILANG sandali pa ay naglabasan na sina Nurse Clara, Nurse Joy, at ang dalawang naglinis sa kanyang silid. Muli niyang pinasalamatan ang mga ito. Nang mapag-isa'y nakangiti niyang pinagmasdan ang mga bulaklak na maingat niyang inilipat sa vase. Ang card naman ay inilagay niya sa bulaklaking kahon na naglalaman ng mga kung ano-anong notes, at mga cards na kasama ng mga bulaklak na natanggap niya mula rin sa binata. Nakalagay rin doon ang isang supot na natatalian ng pulang laso na kinaroroonan naman ng mga tuyong talulot ng rosas na iba't iba ang kulay. May dilaw, puti, asul, kahel ngunit karamiha'y kulay pula.
Dumako ang tingin niya sa rack na kinalalagyan ng mga stuffed toys na iba't iba rin ang kulay, laki at disenyo. Nangiti siya. Kumpleto na ang Plants vs Zombie stuffed toy collectio
