NANG LAPITAN nina Hepe at Kabo Magat ang mag-ninang ay hindi na sumama si Sarhento Wenceslao. Naiwan sa tabi ng sasakyan ang binatang hindi napigilan ang tahimik na pag-iyak. Maging ang partner nitong si Kabo Duarte ay ilang ulit nagpahid ng luha. Ganoon din ang naging damdamin ng mga taong naroroon. Hindi rin naiwasang maiyak sa madamdaming tagpo.
Nang matapos ang lahat ng tamang proseso, kinuha na ng mga kawani ng Mental Institution ang dalaga. Awang-awa ang mga nakakakita sa pananangis nito. Ayaw pumayag maisama at maisakay sa ambulansya. Animo batang humahabol sa papaalis na ina.
"Ninang!" Nagpupumiglas ito at pilit inaabot Si Ofelia. "Bitawan n'yo ko! Ayoko sa inyo. Sasama ako sa ninang ko. Aalis na kami. 'Di ba Ninang, isasama mo na 'ko. Hindi mo na 'ko iiwan, 'di ba?"
Nasapo ni
