ATARAH
NAPABUNTONG-HININGA AKO AT NAUPO habang hinihintay si Damon dito sa garden kung saan niya ako iniwan saglit kanina. Kinausap siya ng kaniyang ama dahil na rin siguro sa pag-iwan niya kay Sir Zach only sa airport. Napapailing na lang ako dahil ang gulo-gulo ng pamilya niya kahit kakaunti lang sila.
Ganito ba talaga ang mayayaman?
Isang tikhim ang narinig ko kaya napatayo ako at napatingin sa may gawa niyon. Kumunot naman ang noo ko nang makita ang step-mother ni Sir Damon na si Ma'am Amanda. Lumapit siya sa akin at pinaupo ako at umupo rin siya sa bandang harapan ko. Sa likod niya ay naroon ang isang babae na halos ka-edad ng ginang pero maayos din ang sout.
“That's Remi, my personal assistant,” anito at ngumiti.
“Hello po,” bati ko pero tumango lang siya sa akin at inilapag
