"Inuuto mo lang ako eh, alam na alam mo kasi kung paano kunin at palambutin ang puso ko, Vaun."
"Ano pa at naging boyfriend mo ako kung hindi ko kayang pawiin ang simpleng galit mo?" Inirapan ako nito pero hindi niya magawang maitago ang mga ngiti niya. "May sasabihin pala ako sa iyo." Sambit ko.
Dapat na sabihin ko na kay Hera ang totoong nangyari kahapon. Kung siya nga ay kaagad na nagsabi sa akin, dapat ay ako rin. Dapat akong maging tapat sa kaniya at walang itatago na kahit ano, kahit alam kong ikagagalit pa niya iyon.
Naupo ito sa kama at ipinalibot ang tingin sa buong kuwarto ko bago ako tignan.
"Ano iyon?" Wika nito.
Tinabihan ko siya at hinawakan ang kamay nito. "Nag kita na kami ni Ysabel, kahapon."
"Ano?" Gulat na tanong nito. "Nagkita kayo? Kahapon? pero paanong nangyari
