TOR’s POV
Inalalayan ko si Cha pagbaba ng sasakyan. Nang makatayo ito ay muli ko siyang niyakap.
“Salamat, hon,” bulong ko pa sa kanya. Grabe ang ligaya na nadarama ko sa mga oras na ito. Ikinasal man kami dahil sa galit niya noon, mag-asawa pa rin kami kahit hindi na siya galit sa akin. “Pumasok na tayo sa loob.”
“Kuya, pag-usapan na natin ang gagawin natin sa Saturday.” Ani Cassie.
“Itutuloy mo pa rin?” tanong sa akin ni Cha na nasa may tabi ko.
“Oo, kailangan kong gawin ito, Cha. Sinira niya ang pagkatao mo. Kailangan kong pagbayarin siya at kung sino man ang kasama niya sa kalokohang ito.”
“Kuya, nandito sa Manila si Renz, pwede natin siyang isama. Hindi namin makakaya ni Ate Cassie na kaming dalawa lang. Paano kung lasing na lasing ka? Sino magbubuhat sa iyo?” Si Renz ang
