HUXLEY
Matapos ang awarding, sumunod ang kainan at sayahan. Muli akong napasulyap kay Miss Guevarra, at hindi ko maiwasang humanga sa kagandahan niya. Hindi naman siya mukhang 32, para ngang mas matanda pa akong tingnan sa kanya. Simple lang ang beauty niya, 'yong hindi na kailangan pa ng makapal na make-up para magmukhang maganda.
Pinilig ko ang aking ulo dahil hindi ko na naintindihan ang sarili ko. Nahuhulog na nga ba talaga ako sa kanya? O bahagi pa rin ito ng plano namin?
"Bro, ayos ka lang ba? Ba't hindi ka pa kumakain dyan?" tanong sa akin ni Marco.
"Oo nga naman love," wika naman ni Sabrina. "Baka gusto mong subuan kita?"
At nagkatawanan ang mga kaklase ko.
"Sab, h'wag na. Kakain na ako," mabilis kong tugon at pilit na ngumiti. Habang nagkakatuwaan ang mga kaklase ko, lihi
