NAPABALIKWAS ng bangon si Geri kinaumagahan nang mapansing wala si Lucas sa tabi niya at tanging isang tangkay na lang ng pulang rosas ang naiwan sa parte ng kamang hinigaan nito.
Agad na nag-init ang kaniyang mga mata. Iniwan na naman ba siya ni Lucas?
Bumangon na siya sa pagkakahiga at lumapit sa banyo. Gano'n na lang ang panlulumo niya matapos buksan ang pinto ng banyo at makitang wala roon ang asawa niya.
Nagsimula nang mag-unahan sa pagpatak ang luha sa kaniyang mga mata.
Buong akala niya ay okay na sila ni Lucas. Akala niya ay natutunan na ulit siyang mahalin nito. Akala niya ay maaayos na ulit ang relasyon nila. Ngunit puro maling akala lang pala lahat.
Muli na naman siyang nadala sa paglalambing ni Lucas at sa mga matatamis nitong mga salita.
Mabibigat ang mga paang bumalik s
