نوفيلا سيوة

قطر الحياة --- --- ---- ---- --- --- الحياة نعمة .. الصحة نعمة .. الأهل نعمة .. الأولاد نعمة .. العقل نعمة .. الصديق الصدوق نعمة .. صاحب السوء نقمة .. المال الكثير بدون رقابة نقمة .. سوء التفكير نقمة .. --- --- ---- ---- --- --- تعالو نشوف سوا حكايتي هتقول إيه .. انا كنت الكبير بين إخواتي .. حلم أمي .. وسند ابويا .. كل أملهم أكبر واكون حاجة .. كنت دايما أقول أنا لازم احقق أحلامهم .. أنا هبقى احسن من اللي في خيالهم .. .. ذاكرت وتعبت وإجتهدت وقلت خلاص هشتغل واعيش واحب .. صدمتني حقيقة الحياة الواسطة والرشوة هما الاساس والاخر اللوم يرجع على شخصي أنا وخلاص.. فكرت كام سنة درست .. واجتهدت ونجحت .. وكل املي ألاقي شغل .. وأساعد أبويا واشيل معاه .. .. كل الابواب مقفولة وهما فاكريني **ول وفاشل الإ باب واحد بس هو اللي كان مفتوح قصادي .. باب واحد هو اللي اتفتح قصادي كان الشيطان في عينى زي الملاك .. اخدت شكة بدل ما تكون تكفير ذنوب .. كانت شكة زودت الهموم .. الاول كان ببلاش حاجة فرفوشة وبتظبط المزاج .. وجه وقت الجد والدور عليا أدفع ليا وله زي ما كان بيعمل معايا .. جسمي رافض الراحة وكله بيئن وينازع .. لازم ادور واشوف ومن أي حتة أجيب فلوس .. السؤال مزلة ولكنه كان لي وسيلة .. لازم اجيب فلوس ليا ولصاحبى .. ياترى هو صديق ولا وجه لشيطان غرز سمه داخل جسمي .. أمي كانت حبيبتي وأبويا كان صاحبي .. اخت وأخويا كانو أمانتي .. لكن دلوقت كلهم أعدائي رافضين يعطوني .. دخلت اللعبة .. وخلاص مش نافع اخرج قبل ما الجيم يخلص وكل مرة يلف الدور ويجي عليا .. افرح ثواني واتعب ساعات .. المهم مبسوط وبدون مغرم حاجة .. خلاص بقيت ايد للشيطان مش مهم هعمل ايه وازاي .. المهم اوصل للمال مهما كان .. جريمة .. أسهل حاجة ممكن أعملها وكنت هعملها.. لولا أمي رمت الفلوس في وشي كانت عبارة عن رصاص بتحدفه في وشي .. وقالتلى مشوفش وشك تاني .. ياريتها كانت ض*بتني رصاصة أحسن منهم.. دى كانت بداية النهاية .. نهاية بداية أنا عملتها وزرعتها وكبرتها .. وانا بس اللي حصدتها ولكنها كانت بذرة ميتة من الاساس مش بترتوي مهما سقتها .. طبعا كنت حبيب طول ما انا معايا اللي بيشبع الدماغ .. ولما خلصت الفلوس خلاص مش بقى ليا لازمة .. فكرت وقلت أجر واحد جديد اشمعنا أنا .. وروحت لجاري ووثق فيا وصدقني .. ودخل معايا الخلية ويوم ورا يوم نبيع ونض*ب لحد ما حصل المحظور.. ابوه خلاص بيضيع لما عرف ابنه وصل لفين .. ولاقيت ان جرعة واحدة خلاص مش جايبة نتيجة.. ض*بت التانية وفجأة وقعت ورجلي سابتنى .. وشوفت حياتي لحظة بلخظة وأنا وهي بنضيع سوا .. ودلوقتي خلاص بقيت تحت التراب .. شايف أهلي حزانة عليا .. ودموعهم ملت عينيا الميتة لكن مبقتش أقدر أعملهم حاجة .. أنا اصلا مقدرتش أعملهم حاجة وأنا عايش لكن شيلتهم حزن بُعدي بعد موتي .. طريق الم**رات طريق الموت والضياع .. الداخل فيه مفقود والخارج منه مولود .. فكر قبل ما تنجرف خليك مع الله .. ادي صلاتك واقرأ قرأنك .. وادفع ذكاتك .. وارفع دايما ايدك للمولى بالطلب والشكر في آن واحد .. إطلب اللي تتمناه .. واشكر على الموجود معاك .. ( في كل لفة عقرب ساعة عمري بيتسرسب بيعدي .. ) الناس والدنيا بتتغير، حتى الحديد بيصدي .. ) وأنا الوحيد واقف مكاني ثابت .. ) في ناس إختارت سكة صابت .. ) ناس ثانية إختارت سكة خابت .. ) إحساس قاسي وصعب لمّا الناس تشوفك فاشل .. ) أبوك وأمك وإخواتك وأصحابك شايفينك عاطل .. ) قوم يا إبني إسعى وحاول .. ) والله غلبت أحاول .. ) ياما حاولت وقبل الجول ما ييجي يطلع فاول .. ) ما عنديش مهارة أو حتى كوسة وحوستي حوسة .. ) ودست بعد آخر البنزين بدوسة .. ) في كل مقابلة شغلانة يتقال لي لف نفسك بشهادتك.. ) مدد بجنب أي حيط وخدلك بوسة .. ) (رجعت فلاش باك حسبت سنين عمري ثلاتين سنة لقيت .. ) حسبت ثاني وثالت وإتخضيت .. ) ببص في المراية كام شعراية بيضة لقيت .. ) وأبويا هو اللي لسه بيصرف ع البيت .. ) بتعامل من عيلتي على إني عالة وحالتي حالة .. ) ثقتي بنفسي راحت النجاح بقى إستحالة .. ) نفسي أهرب من نفسي ومن حالتي ومن عيلتي ومن الدنيا .. ) نفسي ألقى دنيا ثانية أهرب ليها لو حتى ثانية .. ) ( وفي يوم قالها لي صاحبي واللي يدلك على الطريق .. ) ما يفيدش صاحب غير صاحبه ، إسمع من الصديق .. ) قال لي في قعدة ض*ب حلوة بالليل عاملينها .. ) سألته هاش؟ ضحك، قالي "بيسة" قلت له لا أدمنها .. ) قال لي ما تخافش، مش ممكن تدمن من أول شكة .. ) أقنعني، بالليل فعلاً شككني أول شكة .. ) مفاصلي ساحت وإرتاحت وروحي راحت .. ) بكلم نفسي من جوة وبرغي ومن برة ساكت .. ) همومي شبه تاهت والرؤية باهت في باهت .. ) كل مشكلة كانت عندي في الدنيا ماتت وتاهت .. ) عدّت ساعات في ثانية لقيت الصحبة قايمة .. ) دخلت بيتي وش الفجر عيلتي كانت نايمة .. ) دفنت نفسي تحت البطانية جسمي متلج .. ) نمت في أقل من ثانية نومة واحد متبنج .. ) ( قطر الحياة بيعدي بسرعة، سنة في سنة في سنة.. ) وأنا زي ما أنا من لما كان عندي سنة.. ) هي، هي الحياة، هو، هو أنا، أنا.. ) زهقت طهقت من الحياة تقدر تقول مليت أنا.. ) صحيت وفقت رجعت ثاني للواقع والعكننة.. ) عدّى النهار بطيء كإنه كام شهر وسنة.. ) نفسي النهار يعدي بسرعة وأض*ب ثاني.. ) أرجع ملك زماني بعيد عن العالم اللي رماني.. ) خلّوني أض*ب معاهم كل يوم وبتعزم.. ) خلاص دخلت السكة والطريق بيترسم .. ) ( فاجئني صاحبي في يوم .. ) قالها لي في وشي خف تعوم .. ) أجيب فلوس منين ليّ وليك نض*ب كل يوم .. ) شخشخ جيبك يا من قعدتنا دي تكون محروم .. ) من النهار ده مفيش ض*ب ببلاش، مفهوم؟ مفهوم .. ) روّحت وثاني يوم في معاد الض*ب جسمي إتكهرب .. ) كرابيج في ضهري ومناخيري سايلة وبتسرب .. ) عاوز أض*ب، منين أجيب فلوس؟ منين أجيب فلوس؟ ) ( بدأت أستلف من كل اللي أعرفه وأدوس .. ) وحتى إخواتي خدت منهم ياما فلوس دروس .. ) كله كرهني وبيهرب مني تقلت على النفوس .. ) خمسين جنيه في خمسين في مية في مية .. ) بسرق يوماتي فلوس من البيت وكله شك في ّ.. ) نزلت بعت كل حاجة جات لي في يوم هدية .. ) خلّصت فلوسي لحد فى يوم ما جات لي فكرة هي، هي .. ) ذهب أمي، موبايل أختي، لاب توب أخويا .. ) سرقتهم نزلت أهرب من البيت وقفني أبويا .. ) حاول يمنعني مسكني من إيدي جامد زقيته .. ) إتخبط في الحيط، و بص لي إزاي إبنه وآذيته .. ) خذ مني كل حاجة وتربس الباب غضب .. ) ساعتها طلبت أغرب حاجة ممكن تتطلب .. ) ( عاوز فلوس حالاً يا إما حرتكب جريمة .. ) إتهمني بالجنون وإداني كام شتيمة .. ) ببان كل الأوض بتتفتح، عيلتي بتتف*ج .. ) لسه بيستوعبوا يمكن ده جد يمكن بنهرج .. ) سحبت بنت أختي ثلات سنين ناحية شباك .. ) هاتوا الفلوس لا أرميها، فجأة زاد الإرتباك.. ) أمي بكت بحرقة قدامي فقت لثواني .. ) رمت لي فلوس وبصوت عالي، ما أشوفش وشك ثاني .. ) إمشي ملكش أم يا أبغض من شيطاني ..) ( خذت الفلوس وجريت عارف مش راجع بيتي ثاني .. ) (قطر الحياة بيعدي بسرعة، سنة في سنة في سنة وأنا زي ما أنا من لما كان عندي سنة هي، هي الحياة ، هو ، هو أنا ، أنا زهقت طهقت من الحياة تقدر تقول مليت أنا خسرت كل أهلي وأصحابي بقيت وحيد ومنين هجيب فلوس لازم ألقى طريق جديد فجأة إفتكرت جار من سني ساكن لوحده طول عمره أبوه في إعارة برة مصر وشهري فلوس يبعت له شديته زي ما إتشديت أنا لنفس الطريق لقيت مص*ر فلوس جديد وبيت ولقيت صديق نض*ب سوا بفلوسه وفي بيته وملناش ظهور شقى سنين أبوه خلص كله في أربع شهور .. ) ( وفي ليلة بنض*ب جات له مكالمة ما صدقهاش .. ) أبوه عرف إن إبنه بي**قه وإتنقل الإنعاش .. ) كل عصب في جسمي إتوتر، زودت الجرعة أكثر .. ) الجرعة المعتادة خلاص ما بقيتش تأثر .. ) شريط حياتي بيتعرض قدامي أغبر في أغبر .. ) ض*بت السم في عروقي زودته أكثر وأكثر .. ) نفسي أفنى وأخلص من الدنيا زي المية أتبخر .. ) كمان زودت سِنة جسمي كله إتلون أصفر .. ) صاحبي إتفزع قام وإتسرع، مالك أصفر ليه يا جدع .. ) جسمك عرقان وبتترعش زي اللي من الحية إتلدع .. ) رغم إني غرقان في العرق، جسمي متلج موجوع وجع .. ) من خضتي جيت أصلب طولي، جسمي على الأرض إترزع .. ) جسمي رافض لكل أمر مني القوة إتهدت .. ) والدنيا بتضلم تدريجي و واحدة واحدة إسودت آخر لقطة في حياتي شفتها كانت مأساة .. ) صاحبي مرعوب وبيراقب فراقي للحياة ..) ( قطر الحياة بيعدي بسرعة، سنة في سنة في سنة وأنا زي ما أنا من لما كان عندي سنة .. ) هي، هي الحياة ، هو ، هو أنا ، أنا .. ) زهقت طهقت من الحياة تقدر تقول مليت أنا عمري بسرعة إنتهى .. ) رجعت شريط حياتي ما لقيتش فيه حاجة عدلة تتذكر لي عملتها .. ) حياتي راحت مني كلها ضيعتها .. ) ندمان على كل لحظة غامقة في يوم أنا عشتها .. ) يا ربّ إديني فرصة ثاني أرجع للحياة .. ) حمشي في طريقي صح لحد آخر منتهاه .. ) دي حاجة صعبة فعلاً إنك تختفي من الدنيا .. ) والناس ما تفتكركش بحاجة حلوة لوجه الله .. ) .. طريق الم**رات طريق الموت والضياع .. الداخل فيه مفقود والخارج منه مولود .. .. فكر قبل ما تنجرف خليك مع الله .. ادي صلاتك واقرأ قرأنك .. وادفع ذكاتك .. وارفع دايما ايدك للمولى بالطلب والشكر في آن واحد ..إطلب اللي تتمناه .. واشكر على الموجود معاك .. تمت