Sabrina’s POV
Wala na talaga akong kawala. Wala na akong ibang pagpipilian. Kailangan ko na talagang panindigan ang pustahang pinasok ko. Dahil ang magiging kapalit sa pag-atras ko, reputasyon at karera ko bilang modelo.
Gusto ko nang iuntog ang ulo ko sa pader. Kung hindi lang dahil sa pesteng pagkalasing ko nung gabing 'yon at ang pag-iral ng pride ko, hindi sana ganito ang kahihinatnan ng lahat. Pero kumagat ako sa bitag na ginawa ni Chloe para sa akin at ngayon, walang paraan para makahulagpos ako.
"Sab, okay ka lang? Kanina mo pa pinapatay 'yang salad mo," pukaw sa akin ni Jill.
Nandito kami sa isang maliit na cafe malapit sa Torres Atelier. Pumasok ako nang maaga para lang makipagkita sa kanya bago ang oras ng trabaho ko.
Tiningnan ko ang plato ko. Tama siya. Ang lettuce a
