“MISS PALMERO,” tawag ni Krisha sa Ate ni Jaden paglabas nito sa faculty room.
“Oh Krisha,” nakangiting bungad nito sa kanya.
“Puwede ko po ba kayong makausap?” tanong niya dito.
“Well, I have a class. Pero sige lang, fifteen minutes pa naman bago ako magsimula,” sagot nito. “Tungkol saan ba ‘yan?”
Napatungo siya saka huminga ng malalim bago nagsalita. “Kumustahin ko lang po sana kung may improvement na ba sa grades ni Jaden sa Math?”
Ngumiti ulit ito sa kanya saka tumango. “Oo, kaya maraming salamat sa’yo. Sabi ng Professor ninyo, malaki daw ang pinagbago ni Jaden sa mga quizzes at recitation,” sagot nito. “Bakit mo pala naitanong?”
Hindi agad siya nakasagot.
“Krisha,” untag ni Miss Palmero sa kanya.
