“KRISHA, okay lang ba na hindi muna ulit ako sasabay mag-lunch? May kailangan ulit akong gawin eh?” tanong ng matalik niyang kaibigan na si Becca.
“Oo naman. Huwag kang mag-alala sa akin,” nakangiting sagot niya.
Nalungkot ang mukha ni Becca. “Sorry talaga ha? Wala ka tuloy kasabay ulit kumain,” sabi pa nito.
“Ang drama mo ngayon. Sinabi na sa’yo na okay lang eh. Saka hindi ako mag-iisa ngayon, may kasabay akong kumain,” aniya.
Bigla itong napatingin sa kanya. “Talaga? Sino?”
“Si Mark,” kaswal niyang sagot.
Napakunot noo ito. “Mark?”
Tumango siya. “Si Mark,” ulit niya.
Saglit itong nag-isip, saka bigla nitong natutop ang bibig at nanlaki ang mata sa gulat.
“Don’t tell me? Si Mark na MassCom
