خواطر قلبية

كان يتمشى بين ممرات قصرهم الكبير ويفكر بالحكم الي حكمه عليه ابوه .. حكم راح يقلب حياته كلها .. حكم حطم قلب حبيبة ومالكة قلبه .. بسبب حكم ابوه عليه راح يخسرها وراح يكون ملك لبنت عمه الي مايعرف عنها شيء وماشافها من لما كانوا صغار .. مايعرف اذا كانت طيبة ولا شريرة .. لا حلوة ولا جيكرة .. كل الي يعرفه ان راح يكون حلال لبنت عمه بالجبر ..   (( عبدالرحمن : عمره 29 سنة .. وسيم وسسيم لابعد حدود .. ملامحه بدوية اصلية .. سماره يعذب .. لون عيونه ذهبي وواسعه .. طيوب حيل .. هيبة .. وقت الشده يكون رجل بمعنى الكلمة .. جسمه معضل وطويل .. يحب وحده متعرف عليها لما كان يدرس بـ بريطانيا اسمها رنا ))   عبدالرحمن كان عند ابوه الي طلبه   ابوعبدالرحمن : تعال اجلس يا يبه عبدالرحمن باس راس ابوه وجلس جنبه : آمر يبه ابوعبدالرحمن : تعرف يا يبه انت كبرت وصرت بعمر الزواج وانا ناوي ازوجك عبدالرحمن نط من الفرحه : اي يبه انا عندي البنت المناسبة وراح اتزوجها وافرحك فيني ابوعبدالرحمن عقد حواجبه : شف يا عبدالرحمن غير بنت عمك ماراح تاخذ والي في بالك شيلها من بالك لانك محير لبنت عمك عبدالرحمن انصدم : وانا غير البنت الي افكر فيها ماراح اخذ !!!! ابوعبدالرحمن : شف اذا ماخذت بنت عمك والله لاغضب عليك ليوم الديين عبدالرحمن انقلب وجهه .. مايبغى يخسر رضى ابوه .. استسلم للامر الواقع ووافق : طيب يبه بس انت حكمت علي بالتعاسسة   (( ابوعبدالرحمن .. رجل اعمال كبير له شراكه مع اخوه ابوسعد .. شديد كثير على عياله ومايحب يسوون اشياء بدون رضاه عمره 56 سنة   وطلع وهو مهموم .. قرر يخبر حبيبته بالي صصآر .. اتصل فيها   .... : هلا حمآني عبدالرحمن من سمع صوتها انقلبت علومه : آ آ رنا رنا : هلا قلبي ؟؟ عبدالرحمن : رنا انا انا .... رنا بخوف : انت شنو ؟؟ عبدالرحمن استجمع كل قواه : رنا انا باتزوج رنا انصدمت : هاا شششنو شنو من بتاخذ وبتهدني ؟؟؟؟؟ عبدالرحمن : لا يارنا ما راح اتركك انا احبك انتي بس.. رنا : انت كذاااب كذااااب عبدالرحمن: رنا انا مـج ... سكرت الخط قبل لا يكمل كلمته ( مــــجــــبـــــور )             ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ   لا احلل مسح اسمي من على الرواية ..     ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ           البارت الاول (:r2:) تلقت الخبر .. وابوها جبرها انها تتزوجه بالطيب ولا هو الثاني راح يغضب عليها ليوم الدين   ...... : يبا ما ابي تككككفى ابوسعد : سمعيني زين يا بيان ان ما تزوجتي ولد عمك والله لا اغضب عليك ليوم الدين بيان : يا يبه الزم ماعلي رضاك بس ولد عمي ما اعرف عنه ولا شيء يعني تعرف من متى ماشفته ولا شفت عمي ولا بنات عمي ؟؟ بوسعد : تتعرفين عليهم ان شاء الله بس انا ما ابغاك الا لولد عمك بيان تصيح : يبه تكككفى بوسعد : لا تناقشيني والاسبوع الجاي راح تكون الملكة بيان انصدمت وجمدت بمكآنهآ .. وابوهآ مر من قدامها وهي لسسآ منصدمه   (( بيان : عمرها 25 سنة .. اكبر خواتها .. اخلاق وجمال ومال .. حلوه وجمالها بدوي اصيل .. بشرتها برونزية وعيونها عسلية وواسعه .. شعرها اسود لخصرها سواد الليل .. ورموشها كثاف .. جسمها حلو ومرسوم .. باختصار ف*نه ماشاء الله ))   (( ابوسعد : رجل اعمال كبير وشريك ابوعبدالرحمن عمره 54 سنة ))   دخلوا عليها خواتها وراحو يحركونهآ كأنهآ دمية .. متجمده ومنصدمه من الي جالس يقوله لها ابوهآ .. خواتها كانوا يدرون بالموضوع ..وحزنوا على اختهم الكبيرة .. والقدر الي انكتب عليهاا !!   شهد : بيااان بياااان همس : بيااان حبيبتي ايش فيك تكلميي بيان : .............. شهد : همس انا خايفة عليها همس ابتدت تبكي : حبيبتي بيوون وشش فييك !!   بيان الي استوعبت وبتدت تصييح بحرقة : آآآآآآآآآ ... هممممس ششهد انا انتهيييييييت شهد صصااحت : حبيبتي خلاااص لا تبكي بعدين انتي مو متزوجه واحد غريب متزوجه ولد عمك همس : حبيبتي خلاااص .. اكيد ولد عمك رجال بمعنى الكلمة .. لا تبكي قطعتيلي قلبي بيان تبككي باعلى صوتها : بسس بس انا ما ابغاه ما اعرفه .. وش يعرفني اذا هو رجال .. لو هو رجال ماقبل ان يتزوج وحده ما تبيه وبالزور همس : لا تحكمي عليه .. سمعت ان عبدالرحمن طيب ورحييم ورجال بمعنى الكلمة لا تظلميه كانت اول مرة تسمع باسمه (( عبدالرحمن )) .. اسمه راق لبيان بس ماتعرف ايش راح يخبي لها الزمن معاه وكيف راح تعيش معه وهي مجبورة عليه ومغصوبة !   (( شهد : عمرها 23 سنة .. قريبة حيل من بيان .. تشبهها كثير شعرها اسود سواد الليل لظهرها .. عيونها عسلية وواسعه ورموشها كثاف وبشرتها برونزية .. بختصار نسخه عن بيان بس بيان احلى طبعا ^__^ ))   (( همس .. عمرها 19 سنة .. تشبه بيان وشهد .. بس الفرق ان همس عيونها بنية فاتحه وبيضآء .. مرجوجه حيل وعطوفة ))   في زآوية اخرى في بيت ابوسعد ابوسعد راح للمجلس وشاف ولده سعد جالس .. دخل عليه وراح سعد وباس رآسه وجلسوآ مع بعض ابوسعد : آي يا سعد بيان وبتتزوج .. منت بنآوي تتزوج ؟ سعد : والله يالغالي ما لقيت الزوجة المناسبة وبعدين للحين توي صغير ابوسعد : توك صغير وانت عمرك في الثلاثين سعد : هههههههه يبه وش قصدك شيبت ؟ ابوسعد : هههههه الا بتشيبي يا ولدي .. انا ابغى اشوف عيالك انت وخواتك قبل لا الله ياخذ امانتي سعد : عسا الله يطول بعمرك وتشوف احفادك واحفاد احفادك بعد ابوسعد : آميين يارب   (( سعد : اكبر خوآته .. عطوف عليهم حيل .. عمره 34 سنة .. اسمر وسماره يعذب .. وسيم عيونه عسلية ورموشه مكحله وكثاف .. عريض وطويل ويشتغل المدير العام بشركة ابوه ))   بيت ابوعبدالرحمن   كان منبطح على سريره .. مهموم مرة .. حبيبته فهمته غلط وفكرت انه كان يلعب عليها .. مع ان قلبه كله معها .. يحبها اكثر من اي شيء .. ويلي يحبها خلاص خسرها .. ماعاد يهمه اي شيء يتزوج ... حتى اسمها مايعرفه .. ياترى ايش اسمها !   دخلت عليه اخته الصغيرة يلي حزنانه على اخوها الوحيد .. الي راح يتزوج من بنت عمها الي ماتعرف الا اسمها ((بيـــآن))   .....: حمآني عبدالرحمن عوره قلبه من سمع (( حماني )) لان رنآ دآيم تنآديه بهالاسم التفت لاخته : هلآ عايشة عايشة : حبيبي لا تسوي بنفسك كذا .. خلاص .. اذا لك نصيب مع رنا راح يكون اما اذا نصيبك مع بيان لا اعتراض على حكمة ربك عبدالرحمن باستهزآء : اسمها بيان ؟ عايشة بابتسآمه : اي بيـآن عبدالرحمن : بيان هي راح تكون عذاب حياتي .. سلبت حياتي مني .. خسرتني رنآ .. عايشة بحزن : عبدالرحمن تعوذ من ابليس لا تقول كذا .. هي وش يخصها ووش عرفها عبدالرحمن بصراخ : اجل ليه قبلت تتزوجني ليه ليه ؟؟ عايشة : عبدالرحمن يمكن هي مجبورة وش عرفك .. ولا مافي بنت عاقلة تقبل تتزوج واحد من دهر ماشافته حتى لو كان ولد عمها ! عبدالرحمن هدآ : معآك حق عايشة بحنآن : يلا حمآني الحين انت نآم وان اصبح افلح عبدالرحمن بابتسآمه : طيب طلعت من غرفة اخوها وتن*دت تنهيده طويلة   ..... : للحين على حاله عايشة : اي والله .. ي**ر الخاطر ..... : الله يعيينه .. بس تدرين انا رنا هذي ما اهضمهآ زين ان ابوي اجبره عايشة: تعوذي من بليس يا ريم مهما يكون هذا اخوك وهذا اختيآرهه ريم : اففف عووش وش اسوي المحبه من الله عايشة : هههههههه حراام   (( عايشة عمرهـآ 27 سنة .. عاقلة واخلاقها عالية .. ماتحب انها تضايق احد وقريبة من اخوها عبدالرحمن .. حلوه عيونها بنية فاتحه وصغار وبيضآء .. طويلة وضعيفة ))   (( ريم عمرها 24 سنة .. مهبولة ومرجوجه والي بقلبها على ل**نها .. ماتحب تحبس شيء بقلبها .. ل**نها طويل وكله تستهبل على عبدالرحمن هههه .. ريم حلوه بيضاء عيونها عسلية وواسعه .. رموشها مكحله وطويلة واحلى من عايشة ))   ............... : وش الي حراااااااااااام ؟ عايشة نطت : بسم الله الرحمن الرحييم ريم : اعووذ بالله جنيية جنيية ...... : افا يا ذا العلم الحين انا جنية ريم : هههههآي ونصص بعد ....... : طططسي آنتي ما كلمتك .. عايشة حطي عينك بعيني انا جنية عايشة بارتبآك : هآ .. لا لا حششآ من يقول عنك جنية .. انت لمياء الغالية لمياء : آحم آحم لبآني ولبآ عويش .. مو مثل بعض الناس ريم : طيري اقوووول .. من زينك عاد لميآء : محترة مني لاني جميلة واصغر منك ريم : عووش شيلي اختك من قدامي لا ارتكب جريمة بس عايشة ماردت لانها تفكر في اخوها ومصيره .. انتبهت لها لميآء لميآء : عويش وش صاير؟ ريم بتنهيده: آ لو تدرين لميآء : خبصتوآ قلبي تكلموآ ؟؟ ريم : عبدالرحمن لميآء بخووف : وشش فييه ؟؟؟؟؟؟؟ وعايشة حكت لها كل الي صااار لميآء : ياحبيبي !!!!! ريم : مسكين وربي عايشةة : خايفة لا يسوي فيه شيئ لميآء : بصراحه ابوي مو معاه حق .. كيف يزوجه وحده ماشفناها من دهر .. اوكيه بنت عمنا بس وش عرفنا اذا هي زينة او لا عايشة : اذا مهي بزينة اكيد ابوي ماراح يزوجهه لميآء : أففف والله قهر مستحيل اخلي ابوي يجبرني بزواج !! اجل كيف عبدالرحمن .. الا صح رنا درت ؟؟ عايشة : وهذا الي معذبه لميآء : حبيبي والله .. صح ما اداني رنآ بس هم اخوي مسكين ريم : اي والله   (( لمياء عمرها 21 سنة .. مهبولة ومرجوجه .. تشبه ريم كأنهآ توأمهآ ))       ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ   لا احلل مسح اسمي من على الرواية ..     ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ       البارت الثاني(:heart1:)# يـــــوم المـــلكـــة ! كان الكل مستعد .. عشآن يروحوا الرياض حق بيت عمهم ابوسعد ويملكوا على بيان لـ عبدالرحمن .. عبدالرحمن كان كاره نفسه .. بنفس الوقت يفكر بحبه رنا وشلون راح يكون نصيب غيرها وجلس يتذكر ذكرياته معها .. وحبه لها .. اربع سنين بـ بريطآنيآ مستحيل ينساها بـ يوم وليلة ! عايشة : حمآآآني يلاا بنمشي عبدالرحمن بـ برود : طيب جآآي طلع بعد ماتعطر ولبس سآعته واخذ جواله وشاف الكل يستنآه ومبتسمين الا هو .. حركوآ للريـآضض وعبدالرحمن كل ماله ويحس ان نفسه راح ينقطع !! في الرياض كانوا البنات يجهزوا بيان لـ الملكة وفرحانين لها .. متوقعين انها راح تحبه مع الايام لان عبدالرحمن رجال بمعنى الكلمة .. ومو من الرجاجيل الحقيرين والنذلين زي حقين هالايام .. يلعبوا على البنت وياخذون الي يبونه منها ويقطونها بغمضة عين بيــآن مع ان مافي احد بقلبها زي عبدالرحمن .. بس هي كارهه نفسها اكثر من عبدالرحمن لانها راح تتزوجه وراح تكون ملكه وتحت ايده وهي ماتعرفه .. اكره شيء بالنسبة للبنت .. انها تنجبر على واحد ماتحبه ولا تعرف عنه اي شيء..البنت تحب ان تحس مع الانسآن الي رآح تعيش معه حيآتها كلها ان رآح يحميهآ ويدآفع عنهآ ويسعدهآ ويأمنهآ .. تجيب منه عيال ويكبروآ قدآم عيونهآ .. بس مو بهآي الطريقة !!!! هي حتى ما اختارت الرجال الي يستاهلها .. عبدالرحمن يمكن ما يستاهل بيان !!! اخيرا بيان جهزت .. كانت ملاك فعلا والكل بدأ يسمي عليها ويذكر الله .. كانت لابسه فستان فوشي مزموم من الص*ر وقصير لفوق الركبه .. وكعب عالي لونه فوشي مطولها شوي بما انها قزمة ههههه .. وشعرها مسويته تسريحه حلوه .. ووعقد من الالمالس شاريه لها اخوها سعد عائلة ابوعبدالرحمن .. وصلوا الرياض ووصلوا قصر بيت ابوسعد .. والكل قلبه صار يدق عششآن يشوفوا العروسة الا عبدالرحمن كان يلعنها الف مرة لانها راح تكون معاه .. يدعي في قلبه انها تطلع شينه وتحوم التسبد عششآن مايميل لها ويحبها .. وماتكون ملاك زي ما وصفتها له امه .. لان يعرف نفسه يطييح ويضعف من البرآئه !! عايشة وريم ولميآء دخلوا على بيان وشهد وهمس