PRECIOUS ANGEL
Habang nasa loob ako ng banyo. Narinig kong bumukas ang pinto. Hindi muna ako lumabas ng banyo dahil medyo maga pa at namumula pa ang aking mga mata. For sure ay pag nakita ako ni Drake, mabubuking niya na umiyak ako. Nanatili pa ako dito sa loob ng banyo ng ilang sandali. Hanggang sa napaigtad ako nang marinig kong kumatok sa pinto si Drake.
“Babe, hindi ka pa ba lalabas d’yan?” Mahina at malambing na sabi sa akin sa labas ng pinto ni Drake. Ibang-iba na ang timbre niya kumpara kanina sa labas.
Marahil ay nainip na ito dahil ang tagal ko na dito sa loob ng banyo. Mabilis akong naghilamos at inayos ang sarili saka lumabas ng banyo. Paglabas ko ay ang nakangiti na mukha na ni Drake ang sumalubong sa akin. Napakunot ang noo ko dahil hawak niya ang shoulder bag ko at naka-
