ACE'S POV:
---
Akala ko... handa na ako.
Akala ko kaya kong pigilan ang sarili kong magduda, pero nagkamali pala ako.
Ilang araw matapos makabalik ni Ellora galing ng Europe — isang panibagong brown envelope na naman ang dumating sa opisina ko.
Walang pangalan.
Walang sender.
Parang hinahamon na naman ako ng taong nasa likod ng lahat ng ito.
Tahimik kong binuksan ang sobre.
At sa pagkakataong iyon ay pakiramdam ko ay tuluyan nang bumigay ang mundo ko.
May mga bagong litrato.
Mas mapanira.
Mas nakakasakit.
Parang sinadya ang bawat kuha upang sirain ang tiwala ko sa asawa ko.
Mahigpit kong ipinikit ang mga mata.
"Damn it..."
Napakuyom ako ng kamao.
Hindi ko na alam kung alin ang totoo at alin ang kasinungalingan.
Kung niloloko ba ako... O may taong sadyang gustong wasakin a
