فصلية كفيف

البارت الثالث

ماحس الااحد سحب ايدي قوي وكال

ياسر: للسيارة

ابو تخبل وصاح

الاب: على كيفك وياها

ياسر: يلة اخذ راحتك من اليوم بنتك تنساها صعدوني بلسيارة ودموعي تجري اباوع لابوية كعد بلكاع وسامر لزمة ساهر ايدة على راسة ويبجي  مشت السيارة واهلي ختفو من نضري الطريق كلة مخلية راسي ع الجامة وعيوني تدمع وكف السيارة صاح الولد الي بلص*ر انزلي خاتون نزلت بيت حلو يطلع ٤٠٠ متر طابقين فتح الباب واحد من الولد ودخلو دخلت ودخل وراي رجال يطلع بين ٤٠ و٣٥ ( ياسر)عمرة وواحد جبير بلعمر نهاية الستينات( عم مراد)كدامي طب والفتح الباب يطلع ثلاثينيات دخلنة فتحو باب ودخلو طلع استقبال الرجال الجبير كال ادخلي دخلت سميت باسم الله جان تدخل مرة جبيرة بلعمر باوعتلي بحقد

الام: انتي اخت الي اخذ عيون وليدي

خفت منها اقتربت مني ولزمت اكتافي وتهزني : شنو ذنب مراد راحت عيونه بطيش اخووج شنووو ذنبة بعدها الرجال الجبير مني وكال اكعدي يابة كعدت دخلن ٣ نسوان ثنين يطلعن بالثلاثين ووحدة اصغر  مني يباوعلي بحقد صاح وحدة بيهن كومي جايبيج عروس

الرجال الجبير صاح: خلوووود

هي صاحت: ها يابة

العم: كافي خلي يجي الشيخ  يعقدلهم

كعد الرجال والمرة الجبيرة تباوعلي بنضرات حارقة والبنات حاقدات علية نزلت راسي وسكتت

العم: شسمج بنيتي

ليا: للل يا   ليا

العم : عاشت الاسامي اني عمج مرتضى عم مراد وهذولةياسر ومصطفى اخوان مراد وهاي الحجية ام مراد وهاي بنتي خلود مرت ياسر وهاي بحسبة بنتي اسمها غادة زوجة مصطفى

من حجي الرجال افتهمت الي راح يعقد علية وهو نفسة الي ضربة ساهر اسمه مراد لان عرفني ع الكل وشيقربون ل مراد ضلينا عشر دقايق كاعدين كالو اجه السيد دخلوها للصالة دخلت سمعت الشيخ كال العريس وين سمعت فتحت الباب الثانية مال استقبال انفتحت وصوت واحد كال هذا العريس كام يردد الشيخ وكال كولي وانته وكيلي طلع جاي ابن عمي هاشم صديق علي صاحب العرس ومراد  وكلتة عقدلنة السيد واسمع المباركة مال ولد ل مراد طلع الشيخ انفتحت باب الاستقبال طلع منها العم والي اسمه مصطفى وطلع وراهم رجال من شفتة عرفتة هذا مراد من نضرت عيونة مبين ميشوف هو طلع امة كامت تبوس بي وتبجي دفعها وفات مر من بصفي وكف كدامي واني على جهتة اليسارواكفة دار وجهة علية باوع بعيوني عيونة مخيفة عطرة قوي وهو صاحب بنية ضخمة واسمراني عيونة سود فحم شعر لحيتة طويل ومخربط شعر راسة اسود فحمي وطولان هامل نفسة مزينين جزء من شعرة ومخيط عرفت هاي مكان الطلقة باوع بعيني ثواني ودار وجهة وفات مشة بلممر لطخ ب كومدي برجلة يمكن تأذة كمل طريقة وهو يتلمس الحايط ركضت البنية الصغيرة دتلزمة دفعها وفات دخل لغرفة وسد الباب ورا

-------

مراد

كاعد بغرفتي سمعت صوت السيارة انتضرت ٥ دقايق وفتحت باب الغرفة سمعت صياح اخوتي الي فهمته جايبين بنية بالاربعين واخوتي رافضيها ورايدين بنية اصغر مني تخبلت ذولة وين يردون يوصلون منو ينطي بنية صغيرة فصلية استغفرت الله وسديت باب غرفتي جابولي الغدا ورا كم ساعة وطلعو وراها نمت كعدت ضليت صافن بلسواد الي داير مدايري كلشي اسود الالوان اختفت من حياتي وكلشي اختفى حتى مروة اختفت مروة حب حياتي من سمعت انعميت غيرت رقم جهازها دكيت لصديقتها كالت مروة تعتذر متكدر تكمل وياك افتهمتها تخلت عني مثل ماتخلى بصري مني  مر اليوم مثل باقي الايام بعد الحادثة بضلام دامس كعدت ثاني يوم على صوت سحبت البردة صحت سدي ال---- واطلعي برا

ياسمين: بس شوية تتشمس الغرفة ويدخللها النور

صحت: يانوووور هو اني ششوف من هل نور

سدت البردة وطلعت ضليت بغرفتي كالعادة صافن مرت ساعات مادري شكد سمعت صوت سيارة ياسر ضليت كاعد بغرفتي ورا نص ساعة تقريبا اجة ابن ياسر ( عمرة ١١سنة)دك الباب ودخل صاحني طلعت ويا دخلت للاستقبال عقدلنة  السيد صوت البنية هادئ طلع السيد ورا ماباركلي وراح السيد وهاشم ويا يصير ابن عم البنية الي اسمها ليا فتح الباب عمي طلعت امي جتي بوستني عفتها وفتت