فصلية كفيف

البارت التاني

مراد: عععع ييووو نني

سمعت صيحت مراد دفرت الباب ودخلت ع السريع

مصطفى : شبيك مراد مررراد جاااوب

مراد: مممم صطفىى هذذذا اننتتتته وينك للليش مدشوفك

مصطفى : دكتتتتتور شبي مراد

الدكتور : بس لحضة نفحصة

مصطفى : جاااوب شبي مراد

الدكتور: اا سسسسف مراد فففقد ال ال ببصر

مراد: لااااااااااا

--

مصطفى

جريت ياخت الدكتور واصيح علية خلي يشوف شتحجي انته لازم يشوف طلعوني من يم مراد وهويصيح خابرت ياسر كتلة مراد انعمى تخبل ورا ساعة امي جتي ويا خلود( زوجة ياسر) تصيح ابني ابني بكوة هدئ مراد الدكتور كال ماله علاج لان الاعصاب البصرية اتأذت بالاصابة

---

ليا: بعد ماكال سامر لعمي الولد الي ضربة ساهر انعمى امي تدك وتلطم وصوت البجي صار ماله والي اجه ابوية لبيت عمي وهو م**ور

----

ليا

بعد مرور اسبوعين واحنه ببيت عمي والافكار توديني وتجيبني مشغول بالي ب ساهر واهلي ومصيرنةسمعت الولد طلع من المستشفى  اهلي ديدزون شيوخ لبيت الولد علمود يتنازلون عن ساهر مقابل فصل مادي بس اهل الولد رافضيين الى ان بابا دز شيخ معروف ل اهل الولد اجة الشيخ وكال وافقو والكعدة بعد ٥ ايام

---

مراد: بعد مافقدت وعيي اخر شي اتذكرة جنت بلعرس صحيت على نفسي الدنيا سودة ضليت اتحرك واصيح عيوني مدشوف الى ان سمعت صوت مصطفى اخوية وسمعت الدكتو كله فقد البصر اني نهاريت حسيت بوب الدنيا نغلقت بوجهي مستقبلي ضاع واني ضابط  بالاخير استسلمت وكلت المكتوب مامنه مهروب الي **رني امي وبجيها طلعوني بعد اسبوعين ورا ماتحسنت حالتي شعور صعب واني فاقد البصر رغم القوة الي بداخلي بس خوف عندي من اشوف كلشي اسود وصلوني للبيت كعدوني بغرفتي وامي يمي بس تبجي وتون طلعت جابولي اكل ماكلت نفسي كارهة كلشي بلدنيا جتي ياسمين كعدت بصفي لزمت ايدي سمعت صوت شهكاتها حضنتها وهي تبجي كمت اريد اطلع للحمام انضربت بميز المرايا تأذت رجلي لزمتني ياسمين طلعتني للحمام سمعت هوسه بلبيت تتبعت الصوت سمعت مصطفى وياسر و مروان ابن عمي يتناقشون على فصل وفلوس علمودي طبيت وصحت

مراد:  كااااافي  كاااافي

ياسر: مراد ليش كمت

مراد: كافي عوفوني ياافصل تحجون عنه انتو

ياسر: اهل الولد دازيين خبر بيد شيخ ----- يكولون نكعد نفصل للحق

مراد: ماريد عوفو القانون ياخذ مجرى

مصطفى : ماكو هل حجي لازم اندمهم على يومهم الي نولدو بي القانون شيفيد

مراد: داكوول كلشي بلقانون

نداريت داطلع ضربت بالباب دفرتها ومشيت لطخت بهواي غراض لما وصلت للغرفة فتحت الباب سمعت صوت خلود

خلود: مراد هاي غرفتي تعال اوصلك لغرفتك

مراد: ماااريد

طلعت من الغرفة مشيت بالممر تيهت كعدت بلكاع وخليت ايدي ع راسي الم مو طبيعي شك راسي شك حسيت باحد لزم كتفي

مراد: عوفوني بحالي

الام: يمه والله كلبي ممرود عليك

دفعت ايد امي وصيحت : كافي شفقة علية كااافي

سمعتها تبجي كمت فتحت باب الغرفة وفتت قفلتها ضليت كاعد مادري شكد مر من الوقت سمعت دكت الباب خلود جايبتلي العشا مجاوبت نمت كعدت الصبح شيوخ جاايين طلعت للاستقبال سلمت وكعدني مصطفى ضلو يحجون كلتلهم اريد بلقانون ضلو يلحون ع الفصل بدماغي كلت هو صار بدون قصد والولد مقاصد خلي اتنازل وافضها وافقت اتنازل عن الولد وفعلآ قررو يكعدون فصل بعد ٣ ايام

----

الام: ووو شنو

الاب : وفصللية

صارت هوسة ونقاشات حادة بالاخير قررو يدزون عمتي سهاد عمرها ٤٥ بعدها ممتزوجة

-----

مراد

صار الفصل اني كاعد وكلها تحجي واني ماريد احجي ولا كلمة لعبت نفسي من الحجي وكل شوية كايم مصطفى يريد يعمي الولد مثل مانعميت ويهدو بالاخير ياسر طلب ١٢٠ مليون نزلو الشيوخ منه وصل لل٩٠ كام مصطفى وكال :ن**ر عينهم ببنية فصلية اني كمت كبل وصحت مصصصطفى الشيخ كال خوش حجي كتلة مراضي اني الشيخ كال لازم تاخذلك بنية تعينك وانته بهل حال كتلة وهم مراضي ضلو يحجون واني مموافق ياسر جرني وكعدني وكلي اسكت وعوف السالفة علية ماجنت راضي ع الموضوع شنو ذنب هل بنية تبتلي بواحد اعمي وهي مالها اي ذنب اهل الولد اعترضو على حكم الشيخ بس بالاخير فض الموضوع ب ٩٠ مليون وبنية فصلية ورا ٣ ايام ردو راح يجيبون البنية راح ياسر ومصطفى وعلي ابن عمي ديجيبون البنية واني لليوم مراضي ع الموضوع هذا

------

ليا

اخذو عمتي بعد وداع ودموع بابا وسامر وعمي ورا اقل الساعة رجعو وعمتي وياهم عمي كال مقبلو احنه فرحنه لان رجعت عمتي وضلينه نحضن بيها بس وجه عمي وابوية وسامر متبشر بخير امي كالتلة لابوية شكو شبيج يا عبد الرحمان عمي كال رجعو سهاد لان اكبر من الولد يريدون اصغر منه خلال ٢٤ ساعة كلها نصدمت وكامو بينهم ينطون قرارات سامر اقترح تروح بسمة بت عمي عمرها ٢٩ سنة صاح اخوها وليش بسمة مو ليا اني نصدمت متوقعت اروح فصلية صار نقاش حاد وصرت ماسمع بس الحجي وشلون ديهددون يعمون ساهر لو يحركون بيتنه لو اشكال والوان كمت وكفت ورحت خابرت محمد وكتلة يردوني فصلية ويمكن راح ينطوني كال الي تشوفو مناسب سوو كتلة شنو قصدك واحنه كال ماكو شي اسمة احنه كل واحد بطريق كتلة وين وعدك كال وعدي من زمان قبل ليصير اخوج مجرم تخبلت كتلة الله ليسامحك وسديت الخط بوجهة ضليت ابجي بالاخير رضيت بالامر الواقع وكلت هذا قضاء رب العالمين ولازم ارضى بي

رحت كلتلهم

ليا: اني موافقة

الكل: شنوو

ليا : موافقة اروح فصلية

الام: انجبي ليا

ليا: لعد يعمون ساهر لو سامر لو يحركون بيتنه احسن اروح والقاسمة ربج ميصير غيرة بابا انتفض وماقبل وسامر نفس الشي ساهر بعد موقوف الى ان ينتهي الفصل ويرحون يتنازلون عنه رحت للغرفة بجيت لما كلت بس ابجي على حضي لو على محمد النذل لو شيبات ابوية لو ساهر لو على شنو نزلت بليل شفت بابا كاعد بلحديقة يدخن وضهرة ع البيت رحت وكف ورا لزمت كتفة وكعدت بصفة مسح دموعة

ليا: بابا ليش تبجي هاي اول مرة اشوفك تبجي

الاب: اووف يا ليا ن**ر ضهري

ليا: ماعاش الي**ر ضهرك وانته ابو ليا

الاب ( حضني ويبجي) : اوووف يابة فراكج صعب ماجنت رايدج تتزوجين وتفرغين بيتي من نفسج تاليها تروحين فصلية

ليا : بابا كلشي لخاطرك يهون اني قبلت اروح فصلية حتى يبقى راسك عالي بية ماريد توطي راسك مادام اني بنتك

باسني من كصتي ونزلت دموعه ضليت تقريبا ساعتين واني حاضنة ابوية ماريد ابتعد عنه احس العالم مخيف فقدت الثقة بلكل بعد سواية محمد كام ابوية وكال باردة كومي نامي يم ابوج اليوم خلي اشبع بريحتج دخلت ويا ابوية نزعت شالي ونمت بين امي وابوية للصبح محسيت الا وبوسة على كصتي فتحت عيني ابوية

ليا: صباح الخي بابا

الاب: صباح النور ي وجه النور

ليا: صباح الخير ماما

الام : ياروح امج

كمت رجعنه للبيت حضرت جنطتي ودعت كل زاوية ببيتنا هنا ذكرياتي كلها ودعت اخوتي وهمه يبجون بابا شال جنطة الفلوس مال فصل حضنت امي وودعتها وهي تبجي هيا ملخت نفسها لزمت ايد بابا وطلعت بسيارة عمي اخذوني الطريق كلة دموعي منشفت وصلنة لمنطقة نزل عمي وابوية تسالمو ويا ٣ زلم ورجعو صعدو بلسيارة مشت السيارة مال زلم قبلنا ومشينا وراهم نزلو للمركز ويا ابوية وسامر وعمي ورا ساعة اكثر بشوية طلعو وطلع ساهر وياهم ابوية اجه فتحت الباب شال جنطة الفلوس وكلي يلة بابا وخنكة بصوتة نزلت داحضن ساهر ماحس الا ..

______