Chasing the Billionaire's ex-wife (Spg)

2 years ago... Chapter 1 Nakangiting mukha ni Chandri ang nakita niya habang naglalakad ito palapit sa kanya. Nararamdaman niya hiya nito dahil hindi ito halos makatingin sa kanya. Sinalubong niya ito at hinalikan sa pisngi. Hinawakan niya ito sa kamay at pinaupo sa upuang para dito. "A-Akala ko sa isang restaurant tayo kakain, b-bakit dito pa sa lugar na ito," nahihiyang sabi nito. Napangiti siya dito at muling hinawakan ang kamay ng dalaga. "Mas gusto kong tayo lang dalawa para ma-enjoy natin ang isa't isa. Isa pa, ayaw mo namang may makakita sa atin di ba? Kaya dito na lang kita dinala para maging komportable ka," nakangiting sabi niya dito para hindi na ito mahiya sa kanya. Tanging ngiti lang ang itinugon ni Chandri sa kanya. Simula nang makilala niya ang dalaga ay biglang nagbago ang tingin niya sa mga babae. Marami ang nagkakagusto sa kanya at marami ring lumalandi. Ang iba ay pinapatulan niya at minsan ay kinakama. Kilala siya nang lahat bilang isang babaero. Ngunit simula nang makilala niya si Chandri, wala kahit na sino pa ang pinatulan at isinasama niyang babae. Naka-fucos na ang atensyon niya kay Chandri, simula nang magustuhan niya ito. Isa itong namasukang katulong noon sa kanila. Nag aaral din iyon kapag gabi dahil minsan ay nakikita niyang umuuwi na ito nang alas-dyes ng gabi. Noong una ay wala siyang pakialam sa presensya nito at dinadaan-daan niya lang sa kanilang mansion. Ngunit isang araw ay narinig niyang may kausap itong isang lalaki at napag alaman niya na tiyuhin iyon ng dalaga. Aksidente niyang narinig ang usapan nito, na kailangan nitong magpakasal sa isang lalaki para makapagbayad sa malaking utang nito at ang dalaga ang kabayaran no'n. Hindi niya nagustuhan ang narinig niya. Nakita niyang masyado pa itong bata para ikasal at siguradong may pangarap pa ito. Hindi ito pumayag sa nais ng tiyuhin at sinabi lang nito na nag iipon siya para mabayaran ang utang nito. Narinig niya ulit na babalik ito sa susunod na buwan para kausapin siya ulit. Kaya simula ng araw na iyon ay nag isip siyang mabuti. Wala naman siyang pakialam sa  dalaga pero nag aalala siya. Nakikita niya kung gaano ka pursugido si Chandri sa pagtatrabaho at pag aaral. Para ngang nilamangan nito ang oras nang pagtatrabaho niya. Parang wala na ngang pahinga ito at nakikita niyang minsan ay nakakatulog ito sa kung saang sulok ng mansion. Kaya naman kinausap na niya ito at binigyan nang pagkakataon para mabayaran nito ang utang na sinasabi ng kanyang tito. Nagulat man noon si Chandri pero humingi lang ito nang paumanhin sa kanya at minabuti nitong pagtrabahuan ang pangangailangan nito. Ngunit sinabi lamang niya rito na kailangan niyang magpakasal sa kanya upang mabayaran ang utang nito at wala na itong kahit ano pang gagawin. Na handa siyang tulungan ito, para makaraos sa problemang dinadala at makapagpatuloy sa pag aaral nito. Hindi pumayag si Chandri sa nais niya at sinabing hayaan na lamang nito ang problema. Kaya naman hinayaan niya munang mag isip si Chandri sa sinabi niya at sinabi rin niya na kung magpapakasal ito sa kanya ay apilyido lang at pag aari nito ang magagamit nito. Na wala siyang gagawin sa dalaga at nais niya lang tulungan ito. Minabuti niya noon na pag isipan ni Chandri ang gusto niya. Hanggang sa dumating ang araw na muling bumalik ang tiyuhin nito at sinabing pinagbantaan na sila na papatayin. Kaya naman si Raymond na ang nagsabi na babayaran  niya ang utang ng mga ito kahit doble pa. Basta pumayag lang si Chandri na ikasal sa kanya. Para magamit nito ang kung ano man ang mayroon siya. Kaya naman pumayag na lang si Chandri sa sinabi nito at naging lihim ang kasal nilang dalawa.  Binayaran niya ang utang nina Chandri at subrang pasasalamat ang sinabi ng tiyuhin nito. Kaya naman minabuti ni Chandri na magtrabaho dito, kahit pa tutol siya. Binigyan niya na lang nang magaan na trabaho si Chandri at ginawa niyang assistant. Sa mansion man o sa opisina niya. Isinasama niya rin ito kapag may okasyon kaya minsan ay napapansin na ito ng iba. Hanggang sa bigla na lang siyang  nakaramdaman nang kakaibang pagtingin dito at ayaw na niyang malayo sa tabi ng dalaga. Nagtapat siya na gusto niya ito, kahit isang simpleng dalaga lamang ito. Maging ito ay nagtapat na gusto rin siya nito. Doon nagsimula ang malalim na ugnayan nila, na hinadlangan ng kanyang magulang at pinalyas si Chandri sa mansion nila. Labis ang pagsisi niya dahil wala siyang nagawa noon. Hindi rin niya nagawang sabihin na ikinasal sila nang palihim ni Chandri dahil siguradong magagalit ang mga ito. Hinayaan niyang palayasin ito ng magulang niya. Kaya naman hindi na sila nagkita pa. Ngunit dahil mahal niya ang dalaga ay minabuti niyang hanapin ito at nakita niya nga itong muli. Inaabangan niya ito sa pinapasukan nitong eskwelahan at inihahatid. Kaya ngayon ay niyaya niya itong mag dinner. Mabuti na lamang at pumayag ito. "K-Kanina mo pa ako tinititigan, naiilang na ako," biglang sabi nito sa kanya. Ngumiti siya dito at agad na hinawakan ang kamay. Marahan niyang pinisil-pisil iyon. "You know how much I miss you, right?" sabi niya sa dalaga na naiilang sa kanyang tumingin. "A-Alam ko naman iyon, ganoon rin ako," sabi nito at tumingin sa kanya. Napatitig si Raymond sa magagandang mata ni Chandri.  Tila ba inaakit nito ang mga mata niya. "Then, come with me. Let's get married again, in front of everyone.  I want them to know that, I will marrying the person I love and that is you, Chandrianna," malumay na sabi ni Raymond sa dalaga. Nakita ni Raymond kung paano namuo ang luha ni Chandri, habang nakatingin sa kanya. Hinigpitan nito ang pagkakagahawak sa kamay niya. "I, I really want too, Raymond. I want to marry you, I want to feel your warn embrace. I want to introduce you too everyone, that I am lucky to have a man like you. I really want to, Raymond," umiiyak na sabi nito. Hindi maintindihan ni Raymond kung bakit naging ganoon ang sinasabi at naging reaksyon ni Chandri. Para bang may pinapahiwatig ito at may pinagdadaan. Tumayo siya sa kinauupan niya at nilapitan ito saka niyakap nang mahigpit.