Pagkaalis ng Daddy ni Briella ay muli siyang bumalik sa kuwarto ng kanyang Mommy at tahimik itong pinagmasdan. Maputla pa rin ang mukha nito at nangingitim ang ilalim ng mga mata, nakagat niya ng ibabang labi at pinigilang mapaiyak. Nang mga sandaling iyon ay halu-halo ang emosyong nararamdaman niya at kung hindi niya tatatagan ang loob niya ay baka mabaliw siya.
Huminga siya ng malalim at iniusog ang upuan niya sa tabi ng kanyang ina at hinawakan ang kamay nito. “Mommy, kapag naging okay ka na po ay kakausapin ko si Tita Nova na hanapan tayo ng maliit na apartment. Hindi na tayo babalik pa sa bahay na iyon,” mahinang usal niya habang nakatingin sa natutulog na ina.
Buo na ang desisyon niya at ipinangako niya sa sarili niyang pagbubutihan niya ang pagiging modelo upang makilala siya at m
