ZENY’S POV
WALANG PAGSIDLAN ANG SAYANG NARARAMDAMAN NIYA SA MGA ORAS NA IYON. Parang lumulutang siya sa langit dulot nito. Nagmistulang magnet ang mga kamay nila ng nobyo dahil sa higpit ng pagkakapahawak nito sa kanya. Kahit nasa loob na sila ng sasakyan ng binata ay hindi nito binibitawan ang kanyang kamay. Paulit-ulit pa nitong hinahagkan ang mga iyon. Natatawa naman siya na hinahayaan lang ang lalaki. Nobyo niya na ito at walang masama na iparamdam ang pagmamahal na nais nitong ipadama sa kanya. Nakakapanibago para sa kanya iyon ngunit labis-labis ang ligayang hatid nito.
“Talaga bang sinagot mo na ako kanina?” tanong nito. Pwede ng ihambing sa mga hiyas ang kumikinang nitong mga mata.
“Yes, my prince.” Hindi niya rin maintindihan kung bakit hindi mawaglit ang kanyang mga ngiti sa
