ZENY’S POV
“SSHH!” TINAKPAN NITO ANG BIBIG NIYA. “You’ll wake the dead, babe,” bulong nito sa kanya. Nang makahuma ay binitawan siya. Inayos nito ang mga unan sa kanyang higaan at humiga. Itinaas ang mga kamay nito sa ulunan at pumikit.
“Ano ang ginagawa mo rito? Paano mo nabuksan ang pinto ng silid ko?” mahina niyang tanong. Komportableng-komportable ito sa pagkakahiga. “Ano ba?! Huwag ka ngang magtulug-tulugan diyan!” malakas niyang sabi.
Nagmulat ito.
“I came here to sleep at para sa ikalawa mong tanong, mayroon kaming duplicate key. Okay na? Pwede na ba tayo matulog?” Muli nitong ipinikit ang mga mata.
“Doon ka matulog sa silid mo! Baka kung ano ang isipin ng Tita Cecilla at Tito Renato!” Kahit na pabulong ay ipinahahalata niyang galit siya. Ngunit walang epekto sa lalaki. Niyugy
