ZENY’S POV
WALANG INGAY SIYANG NAKALABAS NG SILID. Isang malaking bahay pala ang kinaroroonan nila at kung hindi siya nagkakamali ay nasa ikalawang palapag siya. Matibay ang mga kahot na gamit ng bahay na iyon dahil halatang matagal na ngunit nanatiling maayos.
Hawak-hawak ng isa niyang kamay ang dibdib samantalang ang isa naman ang ginagamit niyang gabay sa pader upang makapaglakad ng tahimik. Mabilis siyang nagkubli nang marinig ang pamilyar na mga boses.
“Kung ako sa iyo, huwag ka ng mag-iingay diyan. Mapapagod ka lang Mr. Ramos,” ani ng isang lalaki.
“Where is my wife?!” malakas na sigaw ni Lenard. Ang boses nito ay may hatid na paghihirap. “Saan ninyo siya dinala?!” Paniguradong umaapaw na ang galit nito sa lakas at kulog ng boses nito.
“Asawa ninyo na agad ang napaka-gandang bab
