ZENY’S POV
ISANG DI PANGKARANIWANG BULAKLAK ANG INABOT SA KANYA NI MIRA. Ipinapabigay daw ni Lenard. Umalis kasi ang binata at binisita ang kanilang maliit na kompanya, di-kalayuan sa villa. Importante raw ang aasikasuhin nito kaya hindi na siya nahintay na magising.
May kahungkagan sa kanyang puso nang malaman iyon. Para kasing hinahanap niya na magisnan ang mukha nito.
“Maam Zeny, alam mo ba kung anong klaseng bulaklak iyan?”tanong nito. Natutuwa siya sa mga halaman at bulaklak pero wala talaga siyang kaalam-alam man lang sa mga tawag dito bukod sa rose, sunflower, daisy at sampaguita.
“Hindi eh. Alam mo ba?” Inamoy niya ito. Hindi masyadong matapang ang amoy nito katulad ng nakita niyang itinatanim ni Mara noong isang araw. Oregano raw ang tawag doon. Medyo may pagkakahawig sa haw
