SA PAGTUNOG NG KAMPANA AY ANG HUDYAT NG SIMULA NG ISANG HINDI MALILIMUTANG SEREMONYA. Hindi mawala ang mga ngiti sa mga labi ng mga taong magiging saksi sa pag-iisang dibdib ng isang lalaking ang tanging hinahangad lamang sa buhay ay makasama ang babaeng pinakamamahal. Dumating man ang maraming unos na kanilang pinagdaanan ay ang tunay na pag-ibig ang siyang mangingibabaw sa lahat ng bagay sa mundo. Kasunod na pagpasok ng mga espesyal na bisita ay ang pagpasok ng pinaka-magandang bride sa lugar kung saan isinilang ang pinaka-gwapong anak ng mga Ramos.
Halos hindi magkamayaw ang mga bisita sa pagkuha ng larawan habang dahan-dahan na lumalakad si Zeny sa aisle. Present ang mga malalapit na kaibigan ni Lenard, gayundin ang kani-kanilang mga pamilya, sina Lolo Berto at Lola Tessie at ang mga
